2nd Hector Ginete Chess Championships kasado na
CEBU, Philippines — Andam na ang tanan alang sa 2nd Hector Ginete Chess Championships nga gikatakda karong Abril 1-2 didto sa Cebu Chess Hub sa SM Seaside City.
Ang duha ka adlaw nga torneyo gipasiugdahan ni US-based Cebuano chess patron Hector Ginete, ang No.1 varsity player sa University of San Carlos (USC)-North Campus sa iyang panahon sa elementarya ug sekondarya.
"I'm holding this event yearly to give back to my community and to support local talents especially the new generation of chess players in Cebu," matud pa ni Ginete, nga nagpuyo na karon sa Florida, USA diin siya nagtrabaho isip intensive care unit (ICU) nurse.
"Ako na-observe sa ubang nasud nga sige ang ilang tournaments unya grabe ang support sa chess labi na gyud sa mga youth mao nang bata pa kaayo ilang players pang-Grandmaster na'g caliber. Diri sa atoa, gamay ra or tagsa ra gyud ang tournaments mao nang nadasig ko to share my blessings sa local chess scene," dugang pa ni Ginete.
Sa laing bahin, ang top 10 players human sa lima ka hugna nga eliminasyon mo-abante sa championship round sa Abril 2.
Ang top 10 finishers makadawat og ganting salapi. Duna say insentibo ang top 3 kiddies (13-under) ingon man ang top lady ug senior performers.
Kadtong interesado mosalmot gihatagan kutob lamang karong Marso 29 aron magpahehistro.
Alang sa dugang detalye, mahimong mokontak ni FIDE Arbiter Felix Poloyapoy, Jr. sa 0956-3568682.
- Latest
