Thurman, Broner dapig ni Spence
CEBU, Philippines — Ang duha ka kanhi world champion nga sila si Keith Thurman ug Adrien Broner parehong dapig ni WBC/IBF welterweight champion Errol Spence nga mobuntog ni Pinoy ring legend Manny Pacquiao sa giatngan nilang sangka karong Agosto 21 didto sa MGM Grand sa Las Vegas, Nevada.
Alang in Thurman, nga gikulata ni Pacquiao sa katapusan niining away niadtong Hulyo 2019, ang gidak-on, kabatan-on ug kahait sa abilidad ni Spence maghatag og deperensiya sa maong higanteng bugno tali sa bangiitang mga boksidor.
Nagkanayon si Thurman nga taas siya og respeto ni Pacquiao apan iyang gipaboran si Spence sa ilang tapad.Mao sab ang panahom ni Broner, nga namahayag nga si Spence mas batan-on ug mas kusgan ra alang sa 42-anyos nga si Pacquiao.
Midugang si Broner nga duna pa gani posibilidad nga palukapahon sa 31-anyos nga si Spence ang bugtong eight-division world champion sa kasaysayan.
- Latest
