Gilas Pilipinas bibigyan ng pahinga
MANILA, Philippines — Bibigyan ng Samahang Basketbol ng Pilipinas (SBP) na makapagpahinga ang Gilas Pilipinas pool bago sumalang sa FIBA Asia Cup Qualifiers na idaraos sa Clark, Pampanga sa susunod na buwan.
Ayon kay SBP special assistant to the president Ryan Gregorio, lalabas ang Gilas pool sa training bubble sa Inspire Sports Academy sa Calamba, Laguna.
Ito ay upang bigyan ng pagkakataon ang mga players na makapag-recharge at makasama ang kanilang pamilya.
“I think it is an opportunity for them to re-energize. We all need it, I mean, they’ve been in the bubble for such a long time. It is not a comfortable situation for them, the environment is totally different,” ani Gregorio sa programang The Chasedown.
Ngunit nakatakdang sumalang ulit sa bubble training ang buong tropa sa Mayo 22.
Bahagi ng pool sina Matt Nieto, Mike Nieto, Isaac Go, Rey Suerte, Jordan Heading, William Navarro, Tzaddy Rangel Jaydee Tungcab, Kemark Carino, Javi Gomez de Liaño, Dave Ildefonso, SJ Belangel, RJ Abarrientos, Carl Tamayo, Justine Baltazar, Jason Credo, Geo Chiu, Lebron Lopez at Angelo Kouame.
Maliban sa mga players, kailangan ding mag-recharge ng coaching staff na binubuo nina Tab Baldwin, Jong Uichico, Sandy Arespacochaga, Boyet Fernandez, Caloy Garcia, Alton Lister, Sandro Soriano at Dex Aseron.
Pinaghahandaan ng Gilas ang FIBA Asia Cup Qualifiers sa Hunyo 16 hanggang 20 sa Clark, Pampanga at ang FIBA Olympic Qualifying Tournament sa Hunyo 29 hanggang Agosto 4 sa Belgrade, Serbia.
- Latest