Detailed service order ibibigay lamang sa mga national coaches, Olympic qualifiers at hopefuls
MANILA, Philippines — Sa susunod na buwan ay inaasahang mapapanalisa ang kasunduan ng Philippine Sports Commission (PSC), Philippine Olympic Committee (POC) at Armed Forces of The Philippines (AFP) para sa muling pagbibigay ng detailed service (DS) sa mga national athletes.
Sinabi ni PSC Acting Executive Director Atty. Guillermo Iroy Jr. na bibigyan nila ng prayoridad ang mga national coaches, Olympic qualifiers at hopefuls.
“We are working with the POC in drawing up the list,” wika ni Iroy.
Noong Mayo ay napaso ang nasabing kasunduan ng PSC at POC sa AFP.
Sa sulat ng sports agency sa AFP ay hiniling nitong ilagay sa PSC ang 78 national athletes at 52 coaches mula sa 19 sports.
Binigyan na ng AFP ng ‘green light’ sina tree-time Olympian weightlifter Hidilyn Diaz at 2021 Tokyo Olympic-bound boxer Eumir Felix Marcial, mga enlisted personnel ng Philippine Air Force (PAF), para magbalik-ensayo.
“Ang request kasi ni Eumir at Hidilyn, hanggang 2021 na. Kasama sila sa kino-consider ng AFP na bigyan. The rest, back to mother unit sila,” ani Ruiz sa mga soldier-athletes na miyembro ng national team na muling pinabalik sa active duty dahil sa coronavirus disease (COVID-19) pandemic.
Ang mga sports associations na umaasang mapapasama sa DS order ay ang swimming, table tennis, taekwondo, volleyball, wrestling, boxing, baseball, rowing, sailing, sepak takraw, softball, soft tennis, weightlifting, cycling, obstacle sports, muaythai at judo at mga PHILSPADA athletes mula sa athletics, badminton, table tennis at cycling.
- Latest
