Training facility makakatulong sa pag-eensayo ni Didal para sa tsansa sa Tokyo Olympics
MANILA, Philippines — Malaki ang maitutulong kay top skateboarder Margielyn Didal ng isang training facility para sa kanyang hangaring makakuha ng tiket sa 2021 Olympic Games sa Tokyo, Japan.
Ito ang sinabi kahapon ni Skateboarding and Roller Sports Association of the Philippines Inc. (SRSAPI) at president Carl Sambrano.
“Skating in a facility is always good because Margie needs to practice on a Field of Play,” ani Sambrano kay Didal, ang 2018 Asian Games gold medalist.
Ang pagsasanay ng Cebuana top skater ay apektado ng coronavirus disease (COVID-19) pandemic.
Sinabi kamakailan ni Philippine Sports Commission (PSC) Officer-in-Charge (OIC) Ramon Fernandez na aayusin niya ang pagbabalik-ensayo ng 21-anyos na si Didal sa Hoops Dome sa Lapu-Lapu City.
“That being said, we will follow the IATF (Inter-Agency Task Force) guidelines, worked with our PSC, DOH (Department of Health) and our NSA (National Sports Association),” wika ni Sambrano, pangulo rin ng International Downhill Federation (IDF).
Kasalukuyang No. 14 si Didal sa buong mundo at No. 3 sa Asya ng World Skate at nasa grupo ng mga bigating street skaters na tumatarget ng outright berth sa 2021 Tokyo Olympics,
Ang mga Pinoy athletes na nakasikwat na ng Olympic seat ay sina pole vaulter Ernest John Obiena, gymnast Carlos Edriel Yuloat boxers Eumir Felix Marcial at Irish Magno.
- Latest