Garcia mikulata ni Vargas
CEBU, Philippines – Gipakita ni Mikey Garcia nga angayan gyud siya nga maoy mamahimong sunod challenger ni Manny Pacquiao alang sa WBA welterweight title, human niya gikulata ang kanhi welterweight champ nga si Jessie Vargas kagahapon didto sa Texas.
Kini ang pagbalik sa ring ni Garcia human siya napilde ni WBO champ Errol Spence Jr. niadtong miaging tuig.
Si Garcia, kinsa kanhi four-division world champion, migamit sa iyang gitas-on aron latoson sa mga jabs ug hooks si Vargas, kinsa napilde na usab ni Pacquiao niadtong tuig 2017.
Si Garcia usa sa mga init nga pangan nga posibleng mapilian aron sunod makigsangka sa Pinoy ring icon nga plano mubalik og away sa Hunyo o Hulyo.
Sa iyang gipakita, si Garcia mipadangat og mensahe ni Pacquiao nga usa siya ka di basta-bastang kaatbang.
- Latest
