Clippers pinulbos ang Cavaliers
CLEVELAND – Umiskor si point guard Lou Williams ng 25 points para pamunuan ang Los Angeles Clippers sa 133-92 pagmasaker sa Cavaliers.
Ito ang pinakamasamang home loss ng Cleveland sa kanilang franchise history.
Ang una ay ang 39-point loss laban sa Chicago Bulls noong 2012.
Nagdagdag si Paul George ng 22 points at may 10 markers si Marcus Morris sa una niyang laro para sa Clippers, ipinahinga si star forward Kawhi Leonard.
Nanggaling ang Los Angeles sa 115-142 pagkatalo sa Minnesota Timberwolves noong Sabado.
Humakot naman si center Andre Drummond ng 19 points at 14 rebounds sa kanyang debut game para sa Cavaliers.
Sa Portland, tumipa si Damian Lillard ng 33 points at may 22 markers si Gary Trent Jr. para tulungan ang Trail Blazers sa 115-109 paggupo sa Miami Heat.
Diniskaril ng Portland ang debut ni Andre Iguodala para sa Miami at tumapos na may 2 points.
Sa Houston, isinalpak ni Bojan Bogdanovic ang isang 3-pointer sa pagtunog ng final buzzer para ilusot ang Utah Jazz kontra sa Rockets, 114-113.
Tumipa si Fil-Am Jordan Clarkson ng 30 points.
- Latest
