Arum pabor ni Pacquiao nga mahimong 'fighter of the decade'

CEBU, Philippines — Bisan nagbuwag na ilang dalan isip promoter ug boxer, si Top Rank Inc. CEO Bob Arum mirespeto gihapon sa kanhi niya fighter nga si Manny Pacquiao.

Si Arum namahayag sa boxingscene.com nga si Pacquiao gihapon ang angayan nga ilhon nga 'Fighter of the Decade' ug dili ang undefeated American nga si Floyd Mayweather Jr.

Kusog karon ang debate kon asa sa duha ang labing maayong boksidor sa dekada, apan si Arum nangusog nga mas impresibo ang karera sa eight-division world champion nga si Pacquiao itandi ni Mayweather.

Ang duha nagsangka niadtong tuig 2015 diin napilde   si   Pacquiao  sa usa ka controversial unanimous decision.

Ang Hall-of-Famer promoter nga si Arum maoy mitabang ni Pacquiao sa malampuson niining karera, apan nakahukom ang duha  nga magbuwag niadtong tuig 2017.