Leonard gisaaran
CEBU, Philippines – Dili na kinahanglan nga pas-anon pa ni Kawhi Leonard ang iyang bag-o koponan nga Los Angeles Clippers aron molampos kini sa 2019-2020 NBA season nga buksan sa hinapos nga bahin ning bulana.
Si Leonard gisaaran sa Clippers coaching staff nga dili na kaayo siya mabug-atan itandi sa iyang nasinati sa Toronto Raptors sa miaging season diin siya mi-average og dul-an sa 30 puntos ug 12 ka rebounds.
Ang reigning NBA MVP nga Leonard miuban sa team practice sa Clippers kagahapon ug nalipay kini tungod kay nakita niya nga balanse iyang koponan nga midugang sa iyang kompiyansa nga maghari sila sa Western Conference sunod season.
Mga nakita ni Leonard nga uban kaniya nga mobida sunod season mao ang laing All-Star nga si Paul George, 'Sixthman of the Year' nga si Lou Williams ug defensive specialist nga si Patrick Beverly.
"We all know what we're trying to do at the end of the year, what the expectations are for ourselves," matud ni Leonard sa ESPN5. "But right now like I said, just taking the training camp, trying to build for each other, just trying to jell as a team."
Si Clippers coach Doc Rivers miingon nga gibantayan nila ang kahimsog ni Leonard ilabi na nga nakahiagum na kini og mga seryosong injury sa unang mga tuig sa iyang karera uban sa San Antonio Spurs.
- Latest
