Red Lions sinakmal ang ika-12 sunod na panalo
MANILA, Philippines — Nasungkit ng three-peat champion San Beda Red Lions ang ika-12 sunod na panalo matapos muling padapain ang Jose Rizal Heavy Bombers, 65-47, para lumapit sa silya sa Final Four ng Season 95 NCAA men’s basketball tournament kahapon sa The Arena sa San Juan City.
Nagpakita si Fil-Canadian James Kwekuteye ng matikas na laro sa kanyang 18 points, 7 rebounds at 2 assists para mapanatili ang malinis na kartada sa 12-0 kartada para sa inaasahang muling pagpasok sa semifinal round.
Nagtala ng 12 points, 7 rebounds at 3 assists si leading MVP contender Calvin Oftana, habang may 11 markers si Evan Nelle para sundan ang kanilang 74-52 panalo sa Jose Rizal sa first round noong Hulyo 12.
Lumamang ang Heavy Bombers sa 31-27 sa halftime ngunit umarangkada sina Kwekuteye, Nelle at Oftana ng 8-0 atake para sa 39-27 abante ng Red Lions sa unang apat na minuto ng ikatlong yugto.
Sa mahigpit na depensa ng San Beda ay napuwersa nila ang Jose Rizal ng kabuuang 26 turnovers.
Hindi naman nagpahuli ang Arellano Chiefs matapos gumanti sa Perpetual Help Altas, 91-86, para makopo ang ikatlong panalo sa 12 laro.
Tumipa si Clint Salado ng 18 points, 12 assists, 3 rebounds at 4 steals upang bumawi sa kanilang 73-75 pagkatalo sa Altas sa first round noong Hulyo 30.
Sa juniors’ division, tinalo ng Red Cubs ang Light Bombers, 88-68, habang nagwagi ang Arellano Braves sa Perpetual Junior Altas, 86-62.
- Latest
