AVTES, Island Hot Wings, Harold's Hotel, NEVAEH midaog dayon sa CABL caging

CEBU, Philippines – Nakakubit dayon og dakong daog ang AVT Engineering Services pagsugod sa FYA Basketball Tournament Season 23 Yoyi's Pastries & Desserts Cup 2019 niadtong Domingo didto sa Atillo gym sa Barangay Labangon, Cebu City.

Dili basta-basta ang daog sa AVTES kay ang ilang gipilde mao man ang FYA Season 22 champion Yoyi's Pastries & Desserts, 75-65.

Ang best player nga si Dexter Caballero mipupo og 15 puntos aron mangu sa AVTES nga nakarekober sa third quarter human mabiyai og kuwatro puntos sa halftime, 28-32.

Nangu sa Yoyi's Pastries mao si Reyboy Caballes sa iyang 17 puntos, gisundan sa team manager niining si Ahlmark Albarracin nga adunay 13 puntos.

Midaog sab ang Island Hot Wings human maka-eskapo bitbit ang 87-84 nga daog batok sa District 7.

Si Justine Urot mipabuhagay og 27 puntos nga igo na kaayo alang kaniya aron ilhon isip best player of the game.

Ang District 7 gipangulohan sab nilang Jim Jim Rara ug Juvinelle Enriquez nga parehong mikabkab og 17 puntos.

Gisugat sab og daog ang Harold's Hotel dihang ilang gipahilom ang Z&G Pro Audio, 84-77.

Ang best of the game nga si Ryan Dacayana mipabuto og 22 puntos, samtang si Baeng Medalle mikadlit og 11 puntos aron mangu sa scoring sa Harold's Hotel nga wala na molingi human milansang og 51-49 human sa tulo ka kuwarter.

Sila Victor Lastomen mipabuhagay og 17 puntos sa Z&G Pro Audio, samtang sila si Kenneth Montenola ug Dave Caballes nagkumbinar og 28 puntos.

Nakaiskor sab og daog ang NEVAEH Sales Trading pinaagi sa paglubong sa EJ & Ejean, 85-69.

Si Neil Embodo nga  napiling best player of the game maoy topscorer sa NEVAEH sa iyang 18 puntos.

Laing naka-double figures mao sila si Val Ramirez  ug Emman Reubal nga mikamada og 15 puntos matag usa ug Noel Medalle nga mihirit og 10 puntos sa NEVAEH nga maoy midiktar  sa  tibuok duwa.

Bugtong si Dan Dan Bocado lang ang miiskor og double figures sa EJ & Ejean pinaagi sa iyang 17 puntos.

PUNTOS MATAG USA

Unang duwa:

AVTES (75)  –  Caballero 15, Sydiongco 12, Villaver 10, Canoy 10, Macachor 9, Ares 5, Celestial 4, AJ Abella 3, Dacayana 2, Quintos 2, Laput 2, Dechosa 1.

YOYI'S (65) – Caballes 17, Albarracin 13, Rabadon 11, J. Aglipa 10, Ursal 5, Martinez 2, Mata 2, S. Enriquez 2, Cababahay 2, Salvador 1.

Ikaduhang duwa:

ISLAND Hot Wings (87) – Urot 27, D. Enriquez 15, Patalita 9, Ensong 9, Laud 6, Arias 6, Navarro 5, E. Noquillo 4, G. Noquillo 2, Flores 2, Garcia 2.

DISTRICT 7 (84) – Rara 17, J. Enriquez 17, Ancla 14, Pepito 11, A. Endrina 9, Sy 8,  T. Abella 4, O. Ursal 2, K. Navarro 2.

Ikatulong duwa:

HAROLD'S Hotel (84) – Dacayana 22, B. Medalle 11, J. Ursal 11, Arnado 8, Billones 8, Flores 7, Alkuino 7, Cabañez 4, Jumantoc 3, B. Pepito 2, Celestial 1.

Z&G Pro Audio (77) – Lastomen 17, Montenola 15, D. Caballes 13, Regudo 9, Rama 8, Miano 5, Sabijon 4, Tabaña 2, Silvano 2, Montillero 2.

Ikaupat nga duwa:

NEVAEH (85) – Embodo 18, Ramirez 15, Reubal 15, N. Medalle 10, J. Enriquez 8, Dela Peña 7, B. Navarro 4, T. Abella 4, R. Tabares 2, Mancao 2.

EJ & Ejean (69) – Bocado 17, Cal 14, Teves 8, Regudo 8, O. Masongsong 7,  Demol 6, Villarosa 4, D. Tabares 3, K. Masongsong 2.