Pau Gasol gusto motunol NBA title sa Bucks

CEBU, Philippines – Gusto ni veteran Spanish star Pau Gasol nga makatilaw sa ikatulo niyang NBA title sa iyang pagduwa sa Milwaukee Bucks.

Ang six-time All-Star nga si Gasol gikuha sa Bucks human kini buhi-i sa San Antonio Spurs niadtong miaging semana.

Kompiyansa si Gasol nga moabot sa finals ang Bucks, ang kasamtangang adunay labing nindot nga rekord sa season sa ilang 48-15. 

Nakita ni Gasol nga adunay potensiyal ang koponan nga molahos  sa finals.

Ang 38-anyos nga si Gasol nga adunay career average nga 17.1 points, naghinam-hinam na nga moduwa uban ni Greek star  Giannis Antetokounmpo, ang gihulagway nga labing kusog nga NBA superstar karon.