Pau Gasol nagpanikad moduwa sa Bucks

CEBU, Philippines — Ang Katsilang sentro nga si Pau Gasol, kinsa kaduha nakadaog og kampiyonato uban sa Los Angeles Lakers, miingon nga naghinam-hinam siyang moduwa uban sa Milwaukee Bucks.

Ang Bucks nga mao karon ang naghari sa liderato sa NBA bitbit ang 48-15 record, mipahibalo nga ilang gipapirma og kontrata si Gasol human kini gibuhian sa San Antonio Spurs sa miaging semana.

Unom ka higayon nga nasakop sa All-Star, si Gasol tataw nga makapalig-on sa frontcourt sa Bucks nga kahadlokan nang daan gumikan sa presensiya ni Giannis Antetokounmpo.

Ang 28-anyos nga si Gasol anaa na karon sa ika-18 niyang season sa NBA. Nakapakita siya og aksiyon sud sa 1,223 na ka mga duwa uban sa Memphis Grizzlies, L.A. Lakers, Chicago Bulls ug San Antonio Spurs diin siya mi-average og 17.1 points, 9.2 rebounds, 3.2 assists ug 1.6 blocks matag duwa.

Si Gasol usa sa 18 lamang ka players sa kasaysayan sa NBA nga dunay 20,000 points ug 10,000 rebounds sa mabulukon niyang karera. (BANAT NEWS)