Valdez nanguna sa nat’l team tryout

MANILA, Philippines — Pinamunuan ni Creamline Cool Smashers team captain Alyssa Valdez ang listahan ng mga lumahok sa tryout ng women’s national team na ipadadala ng bansa sa mga international tournaments.

Maliban kay Valdez, dumating din sina  Aby Maraño, Majoy Baron, Dawn Macandili, Denden Lazaro, Mika Reyes, Risa Sato, Jema Galanza, My­lene Paat, Kim Kianna Dy, Kim Fajardo, Aiza Maizo-Pontillas, Ces Molina at Cha Cruz-Behag.

Bagama’t nasa Arellano University gymnasium sa Legarda, Manila, hindi sumali sina Dy, Fajardo, Maizo-Pontillas at Molina sa drills at spiking session dahil sa kani-kanilang iniindang injury.

Nasilayan din sina Jerrili Malabanan, Jannine Navarro, Ria Meneses, Remy Palma, Kalei Mau, Kath Arado, Kyla Atienza, Ria Duremdes, Justine Jazareno, Bernadett Pepito, Eya Laure, Mary Ann Mendrez, Judith Abil, Angel Anne Canino, Alleiah Malaluan, Celine Domingo, Alexis Ciara Miner, Lyann De Guzman, Imee Hernandez, Janna Torres, Camille Victoria, Angel Cayuna, Bang Pineda at Tanya Narciso.

Hindi lamang ang seniors team ang bubuuin ng Larong Volleyball sa Pilipinas Inc. dahil kukuha rin ang asosasyon ng mga manlalarong isasabak sa Under-23 tournaments.

Huling nagkamedalya ang Pilipinas sa SEA Games noong 2005 nang ganapin sa bansa ang torneo.