Kiram at Carrion magiging panauhin sa TOPS bukas
MANILA, Philippines — Itatampok ang ‘women power’ sa 6th “Usapang Sports” ng Tabloid Organization in Philippine Sports (TOPS).
Bibisita si Philippine Sports Commissioner Celia Kiram bukas sa TOPS public sports program sa National Press Club.
Makakasama ni Kiram sa pang-alas-10 ng umagang sesyon na itinataguyod ng National Press Club sina Cynthia Carrion ng Gymnastics Association of the Philippines (GAP) at Mardel Claro at Preciosa Delarmino ng Muay Association of the Philippines.
Tatalakayin ni Kiram ang kanyang mga programa para sa promosyon ng mga kababaihan at kabataan sa sports.
Ilan sa mga ito ay ang Philippine National Games at Batang Pinoy.
Ilalahad naman ni Carrion ang matagumpay na kampanya ng gymnastics association sa nakaraang taon bukod pa ang kanyang mga gagawing aktibidad ngayong 2019.
Sina Claro at Delarmino, ang national team coach, ang kakatawan kay Muay president Pearl Managuelod na kasalukuyang abala sa kanyang Masteral course sa Canada.
- Latest