"Race for Children's Hunger" gitakda sa septiyembre 16
CEBU, Philippines — Ang NR Communications and Video Over Instant Messaging mopahigayon sa labing una nilang "Race for Children's Hunger" karong Septiyembre 16 diha sa Parkmall grounds, Mandaue City.
Dul-an usa ka libo ka runners ang gilauman nga modagan sa maong lumba nga adunay tulo ka kategoriya, 3K, 5K ug 10K.
Ang kitaon sa lumba gamiton alang sa pagpakaon sa liboan ka mga kabus nga bata sa Mandaue City karong Septiyembre 30 didto sa Mandaue Sports Complex.
Bisan pa og usa ka fund-raising event, ang mga mananaog sa matag kategoriya makadawat gihapon og ganting salapi, medalya ug certificates, samtang ang tanang 10K ug 5K finishers makaangkon og specially-designed medal.
Ang registration fee nagkantidad og P350 sa 3K, P550 sa 5K ug P700 sa 10K. Mamahimong magparehistro didto sa NVOIM Cebu office sa A.C Cortez sa Mandaue, Toby's sa SM City Cebu ug RUNNR sa Ayala Center Cebu.
- Latest
