Alfante itataya ang titulo kontra Diale
MANILA, Philippines — Itataya ni Cris Alfante ang kanyang suot na WBC ABCO flyweight crown laban kay Ardin Diale sa main event ng ‘Night of the Champions’ ngayong gabi sa SM Mall of Asia Music Hall sa Pasay City.
Magtutuos sina Alfante ng Elorde Boxing Gym at Diale ng Dino Olivette Boxing Stable sa boxing card na inihahandog ng Elorde International.
Nasa supporting event naman ang bakbakan nina Wowie Campus at Zoren Pama sa 126 pounds division at ang pagkikita nina Jovani Escaner at Jecker Buhawe sa 120 pounds category.
Lalabanan naman ni Ricardo Suino si Joel Taduran sa 113 pounds limit at haharapin ni Al Toyogan si Germaine Dela Rosa sa 130 pounds class habang sasagupain ni Glenn Medura si Nestor Junio sa 126 pounds division.
Magtutuos naman sina Romeshane Sarguilla at Benjie Bartolome sa 112 pounds at magtatapat sina Alvin Medura at Reynald Condes sa 118 pounds class, samantalang magkikita sina Jun Blazo at Julius Bala sa 115 pounds category.
- Latest
