Columbian batok Magnolia

CEBU, Philippines – Laraw karon sa Columbian Dyip nga  mohimo og laing surprisa sa PBA Commissioner's Cup sa dihang ilang sangkaon ang Magnolia Hotshots.

Ang Columbian Dyip nga nahimutang karon sa ikalimang dapit sa standing bitbit ang 3-2 nga baraha, moharong sa 1-1 nga Magnolia karong alas-4:30 sa hapon didto sa Smart Araneta Coliseum.

Giisip sila nga labing huyang nga koponan sa liga tungod kay wala sila'y superstar, apan ang Columbian seryoso  nga mosud sa playoffs.

Sa main game sa alas-7 sa gabii, ang NLEX Road Warriors makigsangka sa GlobalPort Batang Pier.