Gin Kings inagaw ang Game Three

Laro Ngayon(Smart Araneta Coliseum)

7 p.m. Magnolia vs NLEX (Game 3, Semis)

MANILA, Philippines — Ayaw ng mga Gin Kings na lalo pang mabaon.

Nalampasan ang pag­ba­ngon ng nagdedepensang San Miguel sa final can­to, inagaw ng Barangay Ginebra ang 95-87 panalo sa Game Three ng kanilang semifinals series sa 2018 PBA Philippine Cup kagabi sa Mall of Asia Arena sa Pasay City.

Bumalikwas ang Gin Kings mula sa 90-102 kabi­gu­an sa Game One at 102-104 overtime loss sa Game Two para makadikit sa 1-2 sa kanilang best-of-seven se­mis showdown.

Itinayo ng Ginebra ang 14-point lead, 83-69, sa pag­sisimula ng fourth quarter hanggang makadikit ang San Miguel sa 80-83 agwat mula sa dalawang technical free throws ni Alex Cabagnot sa 6:07 minuto nito.

Ang  three-point play ni LA Tenorio sa huling 32.9 se­­gundo ang sumelyo sa pa­­nalo ng Gin Kings.

Sa kabila naman ng 15-point loss sa Game Two no­ong Lu­nes ay maganda pa rin ang pakiramdam ni NLEX coach Yeng Guiao.

“I still feel good about our series. I expect it to be a long one,” sabi ng seven-time PBA champion coach. “We need to regain our defensive intensity, the kind we dis­played in Game One.”

Matapos kunin ng Road Warriors ang 88-87 panalo sa Game One ay rumesbak ang Magnolia Hotshots pa­ra sa dominanteng 99-84 ta­gumpay sa Game Two no­­ong Lunes para itabla sa 1-1 ang kanilang best-of-se­ven semifinals wars.

Pag-aagawan ng NLEX at Magnolia ang 2-1 bentahe sa Game Three nga­yong alas-7 ng gabi sa Smart Ara­neta Coliseum.

Sa kanilang panalo sa Game Two ay na­li­mi­tahan ng Hotshots sa pi­nag­sa­mang 15 points sina roo­kie Kiefer Ravena at Kevin Alas ng Road Warriors.

Naging inspirasyon din ng mga Hotshots ang tulu­yan nang pagkawala sa PBA season ni veteran for­ward Marc Pingris matapos magkaroon ng ACL sa kan­yang kaliwang tuhod sa huling 4:35 minuto ng fourth quarter sa Game One.