David usa na ka free-agent, gibuhian sa San Miguel

CEBU, Philippines - Nahimo  na usab nga free-agent ang veteran shooter nga si Gary David human wala na lugwayi sa San Miguel Beermen iyang kontrata.

Si David  nga  napunta sa San Miguel human  buhii sa Meralco Bolts sa miaging season mangita karon og bag-ong koponan ug ipadayon niya iyang damgo nga makakuha og PBA title.

Ang 38-anyos nga si David, kinsa wala kaayo nagamit sa Beermen sa ilang kampanya sa miaging season giingon nga gibuhian na lang sa koponan tungod sa pagsulod sa mga rookies ug prospects nga sila si Rashawn McCarthy ug Keith Agovida.

Giingon nga usa usab sa rason mao ang mahal nga suholan ni David nga magbuwan  og P420,000.

Ang five-time PBA All-Star igo lang mi-average og 8.5 points sa miaging season layo ra sa iyang career-average nga 25.8 points.  (BANAT NEWS)