World Poker Tour ilalatag sa Enero 2-8, 2016 sa Solaire Resort
MANILA, Philippines – Magtutuos ang mga high rollers sa paghataw ng World Poker Tour sa Enero 2-8, 2016 sa world-class Solaire Resort and Casino na siyang magiging host ng WPT National Philippines Festival of Poker.
Ito ang pinakamalaking WPT event na kilala rin bilang ‘Alpha8’ ng super high-roller series.
Sisimulan ang event sa pamamagitan ng $275 buy-in at $50,000 guaranteed Poker King Cup kasunod ang two-day Super High Rollers na may buy-in na $200,000.
Kasama rin sa festival ang isang $330 buy-in deep-stacked event, $275 buy-in pot-limit Omaha, $165 buy-in ladies event, $5,400 buy-in high roller at $770 buy-in second-chance tourney.
Humigit-kumulang sa 300 poker players, karamihan ay foreigners, ang sasabak sa event.
“We’re very excited with this. I’m sure it will be a success and we at Solaire are very happy to be part of it,” sabi ni Cyrus Sherafat, ang senior vice president for casino marketing ng Solaire, sa grand launch kahapon sa Eclipse Bar ng Solaire.
Nakasama ni Sherafat sa head table sina Adam Pliska, ang president at CEO ng World Poker Tour; Winfred Yu, ang president at CEO ng Poker King Club; at Richard Yong, isang Malaysian high roller.
Unang nagtungo si Pliska sa Solaire noong 2005 at inilarawan ang resort bilang “a great place for poker.”
- Latest