CEBU, Philippines - Usa na lang ka daog, mokulit na sa ilang labing unang elimination round sweep ang CEI Brokers human sila midaog batok sa host San Roque Ball Club (SRBC), 69-64 sa BOC Friendship Cup Christmas League basketball tournament niadtong Lunes didto sa San Roque gym, Cebu City.
Ang CEI sa magtiayong Wiljun ug Joy Camay nga aduna na karo’y 6-0 nga baraha gipangulohan ni Kerker dela Cerna, kinsa miposa og 17 puntos.
Ang SRBC gipangulohan sab ni Johnrey Jacalan sa iyang 25 puntos, samtang si Bryan Rabaya midugang og 12 puntos.
Wala hinuon makaduwa silang Axel Rabaya ug Rommel Diapera.
Si Duke Espina miamot og siyete puntos alang sa SRBC nga adunay 4-2 record uban sa Alin Brokers ug Kentkyle Cuisine.
Sa pasiunang duwa ang Kentkyle midaog batok sa Taskforce Gilas pinaagi sa forfeiture. (BANAT PALARO)