King’s properties pabiling wa’y pilde
CEBU, Philippines - Temporaryo karon nagsolo sa liderato ang King’s Properties human miadog batok sa Salera Construction, 44-32 sa 1st King’s Properties Inter-Contractor Basketball Tournament niadtong Martes didto sa Guadalupe Sports Complex.
Ang King’s Properties nga nagtangkil og 3-0 nga baraha gipangulohan ni James Cabardo sa iyang 10 puntos, apan si Caloy Mirasol nga mihimo’g acrobatic shot maoy bayani sa kadaugan.
Si James Mondragon mao sab ang topscorer sa 2-1 nga Salera Construction pinaagi sa iyang 16 puntos.
Sa pasiunang duwa, midaog na gyud ang Mecu Admin sud sa tulo nila ka duwa human ilang gilubong ang Vineyard, 51-40.
Gipangulohan ni Crispin Cimafranca ang Mecu Admin nga mikamada’g 14 puntos, samtang si Elbert Jabiniao miratsada’g 13 puntos.
Sila si Bernie Lazarte ug Niño Calderon parehong miugkat og 11 puntos alang sa 0-3 nga Vineyard.
Sa laing aksiyon, ang RNM2 wala’y kukaluoy nga milubong sa Mecu Plumbing, 65-30 ubos sa pagpangulo nilang Rubico Nacario ug Paul Magadan nga nagkumbinar og 23 puntos.
Si Onald Sasac mao lang ang nakaiskor og double figures sa Mecu Plumbing pinaagi sa iyang 10 puntos.
Ang RNM2 nagbitbit karon og 1-1 record, samtang ang Mecu Plumbing adunay 0-2 nga baraha ning maong torneyo nga gipasiugdahan ni Engr. Fritz Canono inabagan ni Tim Adlawan. Ang mga duwa gipadagan ni commissioner Marjorie Martinez ug technical committee CESAFI head referee Edwin Dejacto Sr.
PUNTOS MATAG USA
Unang duwa:
Mecu Admin (51) – Cimafranca 14, Jabiniao 13, Morano 7, Taglinao 5, Tagadiao 4, Mapili 3, Morano 3, Lopez 2.
Vineyard (40) – Lazarte 11, Calderon 11, De Castro 6, Gimena 5, Alcontin 4, Tanudra 3.
Ikaduhang duwa:
King’s Properties (44) – Cabardo 10, Vasquez 8, Mirasol 8, Mirez 4, Canono 3, Adlawan 3, Payo 2, Millomida 2.
Salera Const. (32) – Mondragon 16, Novabos 5, Escoba 4, Bolo 3, Siao 2, Balicasa 2.
Ikatulong duwa:
RNM2 (65) – Nacario 12, Magadan 11, Abao 9, Caballes 8, Secusana 8, Maratas 4, B. Maratas 4, Toledo 4, Nacario 3, Caballes 2.
Mecu Plumbing (30) – Sasac 10, N. Caballa 8, R. Caballa 6, Pogosa 4, Abuloc 2.
- Latest
