AMBL/Alexa const kampiyon sa AS-ES 2nd conference

CEBU, Philippines - Gipahimuslan og maayo sa AMBL/Alexa Const. ni team owner Allan Lim ang kakulang sa mga magduduwa sa R.A. Essentials/Shawe diin ila kining gipilde, 90-84 aron langkaton ang korona sa As-Es B.A.R. Fiesta Cup 2015  second conference basketball tournament dili lang dugay didto sa Benjamin Solon Memorial Gym sa Cogon Ramos, siyudad sa Sugbo.

Si Glenn ‘The Mailman’ Birao maoy mihatod sa dakung kadaugan sa AMBL/Alexa Const. nga mipaksit og 20 puntos, lakip ang lima ka triples nga igo na kaayo alang kaniya aron tahuron isip most valuable player.

Misuporta sab sa kadaugan si Robert  Abasolo, kinsa miambit og 17 puntos, samtang sila si Kit Arellano ug Erwin Ferrer nagkumboya’g 25 puntos alang sa AMBL/Alexa Const. nga wala na molingi human molabaw, 42-40 sa halftime.

Ang R.A. Essentials/Shawe gipangulohan sab ni Louie Tanggol pinaagi sa iyang 21 puntos, gisundan ni Frank Lastimosa nga adunay 16 puntos ug Reggie Licanda sa iyang 11 puntos.

Sa duwa alang sa ikatulong puwesto, si Tikwil Cabañero mipabuhagay og 28 puntos aron pangulohan ang San Mig Food Ave pagpukan sa Boston Warriors, 85-79.

Si Dexter Estella miabuno’g 15 puntos ug si Richard Molina mikandos og 12 puntos alang sa San Mig Food Ave nga milabaw og siyete puntos sa first period, 26-19.

Sila lang si Jojo Talas ug Donald Yap ang miiskor og double figures alang sa Boston Warriors nga mikolapso sa katapusang minuto sa duwa. Si Talas mipabuto’g 22 puntos, samtang si Yap adunay 21 puntos.

Puntos Matag Usa

Unang duwa:

San Mig Food Ave (85) –  Cabañero 28, Estella 15, Molina 12, Alesna 7, Torres 6, Galon 5, Cabrera 5, Regidor 4, Borres 2, Luther 2, Cabuntog 2.

Boston Warriors (79) – Talas 22, Yap 21, Luab 8, Jurado 8, Tambolero 6, Pardenella 5, Arriola 4, Jayme 3, Boston 3.

Ikaduhang duwa:

AMBL/Alexa Const (90) – Birao 20, Abasolo 17, Arellano 13, E. Ferrer 12, Polar 7, Iglesia 6, Miñoza 5, Arias 5, Lim 3, Bontiao 2, Tiu 2, Aliñabon 2, T. Ferrer 2.

R.A. Essentials/Shawe (84) – Tanggol 21, Lastimoso 16, Licanda 11, Lillan 8, Aniñon 8, Sasing 6, Bacalso 6, Zamora 6, Capoy 2. (BANAT NEWS)