Laing duha ka CESAFI players mohimo og ‘community service’
CEBU, Philippines - Human ni Janwein Wisdom Ceniza sa University of Southern Philippines Foundation Panthers, laing duha ka nagpabadlong nga basketbolista sa Cebu Schools Athletic Foundation, Inc. ang mohimo og ‘community service.’
Sila si Kent Moral ug Ferdinand Risma sa University of San Jose-Recoletos Jaguars obligado nga mobuhat niini human sila ma-ejected atol sa ilang 75-90 nga kaparotan batok sa University of San Carlos Warriors niadtong Huwebes didto sa Cebu Coliseum.
Sila si Moral ug Risma na-thrown out gumikan sa pag-asdang nila sud sa korte sa dihang dunay kaguliyang nga nahitabo taliwala sa mainiton nga panag-ilog sa bola tali sa mga magduduwa sa duha ka kampo.
Gawas sa usa ka duwa nga suspensiyon ug P5,000 nga multa, sila si Moral ug Risma mohimo sab og upat ka oras nga community service ubos sa superbisyon sa Cebu City Sports Commission.
“We will have a one-on-one briefing with the new guys just like what we did with Ceniza. We will also give them grassroots videos to watch so they will be immersed in the culture of volunteerism we are advocating,” matud pa ni CSCC chairman Edward Hayco.
Duha ka semana ang milabay, si Ceniza mipahigayon og basketbal clinic ngadto sa mga estudyante sa Lahug Elementary School isip kabahin sa iyang silot human ma-ejected sa dihang natawgan og duha ka sunod-sunod nga ‘unsportsmanlike’ fouls batok nilang Giovanni Laguyo ug Shooster Olago atol sa ilang duwa sa USC.
- Latest
