Stay Clean vs. Fusion sa Davies Cup finals

CEBU, Philippines – Ang Stay Clean mipukan sa Acreex, 95-90 sa tinaktakay nilang duwa aron pag-angkon sa katapusang luna sa finals sa Architects+

Engineers Basketball Association’s 1st Davies Paints Cup niadtong Domingo diha sa Cebu Eastern College (CEC) gymnasium.

Si Michael Vincent Cinco miratsada og 30 puntos uban ang unom ka rebounds ug upat ka assists, samtang si Besinga miposa og 22 puntos alang sa Stay Clean nga maoy nakaangkon og katungod aron makigharong sa Fusion sa ‘best-of-three’ finals nga sugdan karong Agosto 16.

Sa maong tapad, ang Stay Clean maoy inilog kay wala makadaog kanila ang  Fusion sa duha  nila ka duwa sa eliminasyon.

Si Paolo Alberto miamot og 16 puntos ug tulo ka assists, samtang si Dodut Dilao mibahog og 15 puntos ug 14 ka rebounds alang sa Stay Clean nga maoy mikontrolar sa duwa human nakalabaw og nuybe puntos, 29-20  human sa unang kuwarter.

Si Jun Villacorta mipatuasik og 27 puntos, samtang si Richard Badayos mitapos og 23 puntos alang sa Acreex, nga mangindahay na lang karon alang sa ikatulong dapit batok

sa Polyfloor. (BANAT NEWS)