Richport, 7-0 na sa CEI Hoopla
CEBU, Philippines - Nagpabiling walay pilde sud sa pito ka duwa ang Richport human ilang gipukan ang Alin Brokers, 112-102 sa Camay-Espinoza, International (CEI) basketball tournament didto sa barangay Tinago gym, ning dakbayan.
Mihimo’g scoring record 41 points si Mark Solitario alang sa Richport, samtang si Chris Fernandez midugang og 25 puntos. Sila si Jay Rose ug Jeff Garcia adunay 18 ug 12 puntos alang sa Richport nga posibleng mo-sweep sa eliminasyon.
Ang 2-7 nga Alin Brokers gipangulohan ni Ryan Barral sa iyang 30 puntos. Laing upat ka players ang mibahog sab og double figures.
Sa laing duwa, ang Martinez team midaog batok sa CEI ni team owner Wiljun ‘Sugar’ Camay, 99-91.
Si Troy dela Cerna miposa’g 29 puntos alang sa Martinez team nga nagkupot na karon og 6-3 nga baraha.
Ang 3-6 nga CEI gipangulohan ni Niko Laborte sa iyang 25 puntos, samtang silang Elmer Lepiten ug Mark Caynila nagkumboya’g 36 puntos. (BANAT NEWS)
Puntos matag usa
Unang duwa:
Richport (112) – Solitario 41, Fernandez 25, Rose 18, Garcia 12, Oporto 7, Malalay 4, Genobiagon 2.
Alin (102) – R. Barral 30, Dejos 13, Redulla 12, Tabada 10, Baltonado 10, Opura 8, Palero 6, Arlenal 4, Barral 4.
Ikaduhang duwa:
Martinez (99) – Dela Cerna 29, Mayola 12, Riosuke 11, Senisguin 10, Amodia 8, Drayle 6, Mercader 4, Agpalo 4, Pasula 4, Amper 2.
CEI (91) – N. Laborte 25, Lepiten 22, Caynila 14, Opura 9, Lim 8, Apuya 43, Banuag 2, Castro 2, Tabangcalgan 2.
- Latest
