1ST qualifying Kiddies Chess C’ShipS karon nang weekend

CEBU, Philippines - Ang labing unang qualifying  event  sa  2nd Cebu Kiddies Chess Championship gikatakda karong Pebrero 7-8 diha sa Cebu School of Chess nga anaa mahimutang sa ikaduhang andana sa Central Books Building sa may dalan P. del Rosario ning dakbayan.

Abli sa mga magduduwa og ahedres nga nag-edad og 14-anyos paubos, ang nag-unang duha ka mananaog sa maong torneyo makaangkon og luna sa grand finals nga ipahigayon sa naghinapos nga bahin karong tuiga.

Ang manghawod sa binulan nga eliminasyon makadawat og P1,000, samtang ang mopahiluna sa ikaduha hangtod sa ikaupat nga dapit mobulsa’g P500, P300 ug P200. Ang top female finisher mobitbit sab og P200.

Ang registration fee nagkantidad og P100 sa  School of Chess member ug P150 sa dili miyembro. Alang sa dugang mga detalye, mahimong motawag ni tournament director  IM  Kim  Steven Yap sa 0932-3510816.  (BANAT PALARO)