Del Rosario, Rivera 5th sa World Cup
MANILA, Philippines - Tumapos lamang sa ikalimang puwesto ang mga pambatong sina Biboy Rivera at Liza Del Rosario sa pagtatapos ng 50th QubicaAMF Bowling World Cup noong Sabado sa Sky Center sa Wroclaw, Poland.
Naging pakonsuwelo lamang kay Rivera ay ang katotohanang tumapos siya sa mas mataas na puwesto kina Glen Loader ng Australia, Opalora ng Colombia at Oron Cohen ng Israel habang si Del Rosario ay nanguna kina Rebecka Larsen ng Sweden, Caroline Lagrange ng Canada at Daria Kovalova ng Ukraine.
Si Langrange ang siyang nagkampeon noong nakaraang taon.
Ang walong nangunang male at female bowlers ay sumabak pa sa isang round robin series para makita ang tatlong bowlers na maglalaban-laban sa titulo.
Sina Chris Barnes ng USA at Clara Juliana Guerrero ng Colombia ang siyang lumabas na kampeon sa taong ito.
Tinalo ni Barnes si Tobias Bording ng Germany, 265-248 at 231-216, habang si Guerrero ay nanaig kay Li Jane Sin ng Malaysia (239-234, 243-257, 265-211).
- Latest
