NBA players darating sa Cebu

MANILA, Philippines – Dalawang aktibong NBA players at isang le­gend ang tutungo sa Nor­thern Cebu upang magbigay ng inspirasyon sa mga naapektuhan ng bagyong Yolanda.

Sina Robin Lopez at Wesley Matthews ng Portland Trail Blazers ay sasamahan ni Avery Johnson na darating sa Setyembre 12 at ito ay bahagi ng pagsuporta ng NBA sa World Vision Philippines.

Ang WVP ang nangu­nguna sa pagtulong sa mga nabiktima ng Yolanda para makabalik sa dating pamumuhay.

Kasama sa mga aktibi­dades na gagawin ng de­legasyon ng NBA ay ang basketball clinic sa mga bata.

“We support World Vision Philippines’ tireless efforts to help the city and its community rebuild. We hope our visits will help lift the spirits of the people of Northern Cebu as the city continues its road to reco­very,” wika ni Carlo Singson NBA Country Manager, Philippines.

Si Lopez ay isang 26-anyos, 7-foot center ng Portland habang si Matthews ay isang 27-anyos, 6’5 guard at sila ay naka­tuwang ng NBA team na umabot sa Playoff sa natapos na season.

Ang 49-anyos at 5’11 na si Avery Johnson ay tiniti­ngala bilang isang manlalaro at ngayon ay isang coach.

Siya ay kabilang sa 19­99 champion team ng San Antonio Spurs at ang kanyang number 6 jersey ay iniretiro ng Spurs.

Bilang coach, siya ang ginawaran ng Coach of the Year nang naihatid ang Dallas Mavericks sa pangalawang puwesto kasunod ng Miami Heat.