Belo Men 98 nagmangtas
CEBU, Philippines – Nabalikan sa ilang kusog nga enerhiya ang Belo Men 98 human ilang gipukan ang RDAK Transport, 51-45 sa sangka sa Division B kaniadtong Huwebes sa nagpadayon nga The Avenir SHAABAA Cup 19th Season didto sa Sacred Heart School Old Campus sa Gen. Maxilom Avenue, ning dakbayan.
Sa laing duwa, gilubong sa Echo Appliance Center ang Shakey's 94 sa iskor, 63-32.
Si Cliffson Yau maoy nangu sa Belo Men sa iyang 16 puntos ug midugang si Valiant Ngo og 13 puntos.Ang Belo Men mao lang gihapo'y nag-una sa ilang 8-2 nga baraha.
Silang Charleson Sia ug John Sulay maoy nangu sa 7-2 nga RDAK Transporters sa ilang 15 ug 10 puntos matag usa. Ang RDAK nagtabla karon uban sa Echo Appliance sa ikaduhang pwesto.
Sa laing bahin, miburak og 26 puntos si Barlowe Rogado aron pangulohan ang Echo Appliance samtang si Alfonso Canizares maoy nangu sa Shakey's 94 sa iyang 10 puntos. (BANAT NEWS)
- Latest
