R.A. Essentials, S.V.F. Designed & Build magtigi sa titulo

CEBU, Philippines - Gipangpilde sa R.A. Essentials ug sa S.V.F. Designed & Build ang tagsa-tagsa nilang kaatbang sa crossover semifinals aron maoy magtigi alang sa kampiyonato sa As-Es/B.A.R. 2nd Conference Basketball Fiesta Cup 2014 niadtong  Lunes diha sa Benjamin Solon Memorial Gym sa Cogon-Ramos, Cebu City.

Ang R.A. Essentials ni Rick Bastida mikilaw sa  JDU Sea Product, 83-78 ug ang S.V.F. Designed & Build ni  Archt. Christian Benedict Ferrer Nellas midemolis sa Chowking, 92-88.

Ang finals himuon ugma sa alas-7 sa gabii sa mao gihapon nga binyu.

Tulo ka players ang mihimo’g double figures alang sa R.A. Essentials nga gipangulohan ni  Louie Tanggol. Ang barangay konsehal sa Kalubihan nga si Rex Millan mitikdol og 13 puntos, samtang si Sambag 1 Brgy. Capt. Lemar Alcover mitimbre’g 11 puntos.

Ang JDU Sea Production gipangulohan nilang Randyll Roncal ug Gerald Ylaya sa ilang 30 ug 16 puntos matag usa.

Sa laing bahin, si Bart Sanchez mipabuto’g 22 puntos aron pangulohan ang S.V.F. Designed & Build, gisundan ni Francis Rafols sa iyang 19 puntos ug Johnriel Llanos nga adunay 18 puntos. Samtang ang napilding Chowking gipangulohan ni Lahug barangay councilor Andrew Biton, kinsa misangag og 30 puntos. Si Juvan Antido milapa’g 22 puntos. (BANAT NEWS)

PUNTOS MATAG USA

Unang duwa:

R.A. ESSENTIALS (83) – Tanggol 24, Millan 13, Alcover 11, Zamora 9, Bacalso 8, Llagas 3, Godiz 3, Rodriguez 2, Pada 2, Lanutan 2, Sabay 2, Obcial 2, Aniñon 2.

JDU SEA PRODUCT (78) – Roncal 30, Ylaya 16, Villarba 9, Estenzo 5, Dan-Dan 5, Peñas 3, Manzano 3, Raboy 2, Palamang 2,  Aliñabon 2, Capoy 2, Du 1.

Ikaduhang duwa:

S.V.F. DESIGNED & BUILD (92) – Sanchez 22, Rafols 19, Llanos 18, Ferrer 5, Misa 5, Dellina 5, Jayme 5, Magsayo 4, Colinares 4, Saballa 2, Cabrera 1.

CHOWKING (88) – Biton 30, Antido 22, Miano 6, Tambolero 5, Bontuyan 5, Arellano 4, Dela Calzada 4, Regidor 2, Borres 2, A. Abella 2, Abella 2, Sarda 2, Cabantug 2.