James sa Spurs: ‘Babangon kami!’
MIAMI--Babangon kami.
Ito ang ipinagdiinan ni LeBron James na gagawin ng Miami Heat matapos lasapin ang kauna-unahang pagkatalo sa home court sa post season sa 111-92 sa San Antonio Spurs sa Game Three ng NBA Finals
“We will get better from tonight,†wika ni James. “We hate the performance that we put on. But it’s 2-1. It’s not 4-1. It’s 2-1 and we have to make some adjustments, come in and learn from our mistakes as we always do after a loss.â€
Naiwanan ang Heat ng 25 puntos sa second period, 30-55, at hindi na nakabalik pa ang home team para ibigay sa Spurs ang 2-1 kalamangan sa best-of-seven series.
Kung tutuusin, maganda ang nilaro ng Heat dahil tumapos sila taglay ang 10 triples at may 51.6 shooÂting.
Base sa mga dating laro na nagtala ng ganitong marka ang Miami, sila ay 12-0 kung saan 10 ang naipasok sa 3-point arc at 18-0 kapag nasa 48% ang kanilang shooting.
Pero mas mainit ang Spurs na gumawa ng 59.4% shooting (38-64), kasama ang siyam na tres, at anim lamang ang kanilang naisablay sa 32 free throws.
Ang 26 na naipasok sa 15-foot line ay mas mataas ng dalawa sa kabuuang free throws na ginawa ng Heat sa laro.
“You have to deal with all the emotions there are in the finals--frustration, anger, pain, elation, all of it,†wika naman ni Heat coach Eric Spoelstra.
“It’s a long series. We have to be able to maÂnage this and it starts with tomorrow, owning it. That’ll be the process we all have to go through together,†dagdag nito.
- Latest
