Coran moduwa didto sa Azerbaijan

CEBU, Philippines -  Nalakip ang Sugbuanang si Mayn Coran nga morepresentar sa Pilipinas alang sa 1st World Taekwondo Cadet Championships didto sa Azerbaijan karong Hulyo.

 Si Coran mipaubos og makuting try-outs didto sa kaulohan ug nahaylo niya ang national coaching staff sa iyang kusog ug kalig-on.  Naapil si Coran sa maong event dihang ang 13-anyos nga atleta mipakita og maayong labok sa miaging Palarong Pambansa didto sa Laguna diin iyang gipilde ang 16-anyos nga si Thea Bermejo sa Western Visayas.  Si Coran nga gibansay sa iyang igsuon nga si Frauline Joy ug Michael Angelo Realista mokumbati ubos sa lightweight division atol unya sa world championship.