Comm. Tiuki sa CESAFI midawat og award sa PSA

Kaniadtong Sabado, Enero 25, nakadawat og pasidungog ang Cebu Schools Athletic Schools Foundation, Inc. (CESAFI)  gikan sa inila ug ma-impluwensang sports association sa nasud nga mao ang Philippine Sportswriter's Association kon PSA ubos sa ilang presidente nga si Lorenzo Lomibao, Jr. Ang maong kalihukan didto ipahigayon sa maanindot nga Manila Hotel.

Ang maong pasidungog gitunol ni Lomibao ngadto kang CESAFI Commissioner Felix O. Tiukinhoy, Jr. kinsa malipayon ug mapasigarbuhon sa nadawat nga citation alang sa CESAFI.

Kini maoy silbing pag-ila sa PSA sa nahimong kontribusyon sa CESAFI pagpalambo sa basketball, football ug volleyball.

Ang kinatibuk-ang unod sa citation nga gihatag sa PSA ngadto sa CESAFI mao ang mosunod: "PSA Citation Award to CESAFI for sustaining a vigorous sports development program and for becoming a rich breeding ground of talents in basketball, football and volleyball."               

Wala masayop ang PSA sa ilang paghatag og pasidungog sa CESAFI kay sulod sa 13 ka season, kanunay nag-anam ka anindot ug kadaghan ang mga fans ilabi na atol sa finals nga pirmeng sold out ang tickets ug jam-packed ang Cebu Coliseum.

Ang nahitabo sa high school nga wala'y champion sa labing unang higayon tungod sa kontrobersiya, usa lang ka "isolated case" ug dili kini maoy naandan sa lega apan segurado ako nga sa dili madugay, mahilot ra kini ug makasabot ra gihapon ang mga involved parties o mga hingtungdan.

Congrats CESAFI.

Cebu Developmental League. Aduna karo'y giumol nga usa ka bag-ong lega sa basketball nga seguradong makatabang sa "exposure" sa mga collegiate players ilabi na gyud kadtong mga bag-ong salta nga dili kaayo magamit sa ilang mga collegiate mother teams.

Ang CDL mao na unya'y tubag sa taud-taud nang pangutana kung kanus-a mobalik nga adunay laing torneyo kung mahuman na ang CESAFI season ug kung unsa nay kalingawan sa mga players.

Himoon ang CDL nga dili gyud magkadungan sa CESAFI ug sa pre-season nga CESAFI Partner's Cup kay kini himuon maoy sumpay aron dili maputol ang ensayo sa mga players ug mas makatabang kini kanila sa pagpalambo sa ilang abilidad.

Sugdan ang maong torneyo sa dili madugay apan dapiton una ang mga prospected team owners aron sila makasabot sa tinuoray nga tumong kon "objective" sa maong grupo.

Angayan sabton sa mga team owners ang katuyoan sa CDL aron sab sayon na lang kaayo nilang ipasabot sa ilang mga players tungod kay ang maong lega usa lang ka pinobreng version sa ubang nangaging mga lega sa Sugbo nga wala sad gyud mubarog og dugay.

Ang maong grupo gimugna nilang Cebu City Sports Commission (CCSC) commissioner Michael Sy aron tabangan ang dakbayan sa pagpalambo sa basketball ug ingon man boxing. 

Dayag na lang nga ang maong proyekto gipaluyohan sab ni Lorenzo "Chao" Sy, ang amahan ni Michael nga usa ka inilang basketball ug boxing promoter dinhi sa Sugbo.

MISCELLANEOUS. Welcome back to Cebu Dr. Raul Sala from New York City who had a reunion with his long-time friend Supreme Grand Master Cacoy Cañete of Doce Pares. Sala and Cañete met for the last time in 1981 in an eskrima seminar in Staten island, New York and just met again after 42 years. Oh what a fitting reunion of two old friends.Dr. Sala, a native of Malitbog, Southern Leyte, is here in Cebu along with the 80-man delegation from the United States who are conducting a free medical and surgical mission in Dipolog City, Zamboanga del Norte from January 26-30.  The said medical mission was performed by doctors and nurses from the university of the Philippines-Diliman and University of the East headed by Dipolog native Dr. Debbie Bobilla, an anesthesiologist.

Dr. Sala is a successful yet humble well-off physician who owns a private plane in New York, a CESAANA 172 model.