Wa ko manikas– Rios
CEBU, Philippines - Gidepensaan ni Mexican American boxer Brandon Rios ang iyang kaugalingon sa mga pagsaway sa mga kritiko human siya mipositibo nga migamit og illegal nga drugas atol sa iyang sangka ni Manny Pacquiao niadtong Nobiyembre 23 didto sa Macau.
Si Rios nagkanayon nga wala siya kahinumdum nga mitumar og illegal nga pampalagsik aron makabintaha sa away, apan nagduda nga ang pag-positibo niya sa drug-test posibling tungod sa usa ka energy drink nga iyang giinom.
"I didn't do anything wrong for the Pacquiao fight. Everything I took before the fight was checked and I went through everything with Ariza and as you can see I made the weight right," matud pa ni Rios.
Atol sa maong sangka, gikulata sud sa 12 ka hugna ni Pacquiao si Rios alang sa unanimous decision nga kadaugan didto sa The Venetian Hotel and Casino sa Macau.
Sa iyang bahin, ang inilang sports nutritionist nga si Victor Conte miingon nga wa siya'y laing matudlo nga responsable sa gidangatan ni Rios kundi ang bag-o niyang conditioning coach nga si Alex Ariza.
“Whose job was that? I would assume it would be Alex Ariza. He did a bad job. My opinion? He should be fired,†matud pa ni Conte sa boxingscene.com.
Dili usab motuo si Conte nga wala nasayud si Ariza sa drugas nga gitumar ni Rios tungod kay daku iyang pagduda nga kini mismo ang misugyot ni Rios nga mugamit sa maong illegal nga drugas aron makabintaha sa away batok ni Pacquiao.
Si Ariza kanhi sakop sa Team Pacquiao, apan daling milayat sa kampo ni Rios human kini gitaktak ni Freddie Roach. (BANAT PALARO)
- Latest
