SWU, UV Magtiwas

CEBU, Philippines - Mahuman na gyud karong adlawa ang championship series sa seniors division, apan ang wala pa hisayri kun kinsa  nila sa

defending champion Southwestern University (SWU) Cobras ug sa University of the Visayas (UV) Green Lancers ang moangkon sa

championship trophy sa 13th Cebu Schools Athletic Foundation Inc. (CESAFI) men's basketball tournament.
 Ang SWU Cobras ug UV  Lancers magtiwas alang sa deciding Game-5 diin ang modaog maoy mokampiyon sa CESAFI karong

tuiga.
 Ang duwa sugdan sa alas-4 sa hapon diha sa Cebu Coliseum.
 Seguradong hugopan na sab kining  maong sangka sa CESAFI fans ilabi na kay wala nay ugma alang sa duha ka koponan.
 Ang Cobras maoy miangkon sa unang-duha ka duwa ug kinahanglan na lang untang modaog sa Game-3 aron mokulit og

makasaysayanong sweep sa finals ug ingon man sa tanang duwa karon nga season.
 Human modaog ang UV sa Game-3 sa double overtime, 89-82, lain na sab untang higayon sa Cobras nga makadepensa sa ilang

korona, apan pakyas sila paglangkat dihang giusban sila  pagpilde sa Game-4, 71-66  niadtong Martes.
 Ang kadaugan naghatag sa Lancers og higayon nga makatabla sa serye, 2-2 ug  nakapugos ngadto sa "rubbermatch."
 Tungod niini, posibleng mobalitok ang presyur ngadto sa habig sa Cobras ug posible sab nga sakmiton sa Lancers ang ilang

ika-10 nga korona.
 Sa makausa pa, masukod na sab ang kalig-on ug kaladmon sa bench sa Cobras ug kinahanglan na nila ang opensa nilang

Monbert Arong ug Adams Mohammed.
 Posible sab nga hatagan sab og taas nga playing time  si Fabrice Siewe, kinsa wala makatabang sa Cobras sa Game-4.
 Atol sa Game-4,  lima lang ka players sa  SWU ang naka-iskor ug nanghinaut si coach Raul 'Yayoy' Alcoseba nga 

magtinabangay sa katapusang higayon ang iyang mga batos sa ilang duwa karon.
 Ang Cobras maghangad sa ilang Cameroonian recruit Landry Sanjo uban ni MVP Mark Jayven Tallo.
 Sa laing bahin, si  UV  Lancers coach Felix 'Donbel' Belano Jr. adto gihapon mosalig   sa iyang beteranong pointguard nga si

John Abad ug nilang   Mike Harry Nzusseu, Steve Cerdick Akomo, Aldred Codilla, Francisco Arong ug Chris Perolino.  (BANAT NEWS)