RCAF midaog dayon sa UBCA basketball tournament 2012

CEBU, Philippines -  Gibuksan na gabii ang 2nd Upper Bayanihan Catholic  Association (UBCA) basketball tournament uban ang siyam ka mga partisipanteng koponan sa miaging gabii didto sa Barangay Quiot Sports Complex, ning siyudad.

Si Quiot barangay councilor Jojo Ramirez ug UBCA founder  Rey Petiluna maoy mga pinasidunggang dinapit sa opening ceremonies.

Sa opening game, ang RCAF ni coach Romeo Faunillan midaog dayon batok sa ICC Pharmacy ni Ruel Palma sa iskor nga 99-90.

Unang nakabentaha ang ICC paghuman sa first period, 22-12, apan daling nakarekober ang RCAF pinaagi  sa hugot nga depensa nilang Benjie Orquez ug Danrey Baclay aron makasikit sa halftime, 43-48.

Nailog sa RCAF ang momentum dihang ilang na-outscore ang ICC aron hingpit makuha ang daog.

Silang Orquez ug Baclay maoy nangu sa RCAF sa ilang 23 ug 16 puntos matag usa, miabag sab silang Rommel Garcia ug Evans Sevellejo nga nagkumboya og 26 puntos.

Ang napildeng ICC gipangulohan ni Danny Dela Peña, kinsa miiskor og 18 puntos, gisundan ni Barok Lasque nga adunay 17 puntos.

PUNTOS MATAG USA

RCAF (99) - Orquez 23, Baclay 16, Garcia 15, Rafols 11, Sevellejo 11, Jimmy 5, Medina 4, Petallar 4, Ramirez 4, Faunillan 4, Villantes 2

ICC PHARMACY (90) - D. Dela Peña 18, Lasque 17, Villarin 15, Celestial 10, Saban 8, L. Dela Peña 8, Palma 6, Lopez 6, Llamedo 2 (FREEMAN)