CJ Optical milubong sa Aberdomz
CEBU, Philippines - Gilubong sa CJ Optical ni skipper Randy Gavas ang Aberdomz, 97-77 sa Category C sa pagtapos sa elimination round sa nagpadayong Talisay Basketball Association (TBA) 2012 summer basketball tournament didto sa Talisay City Sports Complex.
Sa kasamtangan, ang RCJ Optical nagsawo sa liderato uban sa Jim's Coffee sa managsamang 5-1 win-loss records.
Gikan sa sikit nga 24-19 tally sa opening period, mipabuhagay og mga puntos ang CJ Optical aron inaton ang ilang labaw ngadto sa 14 puntos, 56-42 sa halftime.
Si Gavas mipugnit og 16 puntos sud lang sa first half, apan wala na makabalik og duwa sa third period tungod sa piang.
Didto sa third period nakahuygo ang Arbedomz dihang gipalingkod si Gavas ug nakasikit kini sa makadiyot ngadto sa iskor, 60-71 pagsugod sa fourth quarter pinaagi sa pagtimon nilang Louie Macaraya ug Val Cabrera.
Si Capala maoy nangu sa CJ Optical pinaagi sa iyang 20 puntos.
Sa laing duwa, ang Park ‘N Go ni Romy 'El Presidente' Rama midaog batok sa Warriors pinaagi sa default.
Sa Legend Category, ang Dallas midaog sab batok sa Toronto, 78-70 aron moabante sa crossover semifinals uban sa Bulls, Oklahoma ug Miami.
PUNTOS MATAG USA
Unang duwa:
DALLAS (78) - B. Bitang 17, L. Bitang 14, Kong 12, Cañizares 12, Restauro 11, Wong 8, Sumayo 2, Pastor 2
TORONTO (70) - Boyanos 21, Aliño 18, Nazareno 14, Larriego 8, Cabaitan 4, Cabalan 3, Cañada 2
Ikaduhang duwa:
CJ OPTICAL (97) - R. Capala 20, Gavas 16, Crisologo 15, Reyes 12, Enjambre 8, Mabuyo 8, Quiñones 8, Esmero 6, Laroa 4.
ARBEDOMZ (77) - Macaraya 22, Cabrera 11, Cabigas 10, Valiente 9, Concillado 9, J. Esmero 9, Villoria 7 (BANAT SPORTS)
- Latest
- Trending
