Jim's Coffee nag-una sa Category-C sa TBA caging

CEBU, Philippines - Gipilde sa Jim's Coffee ni skipper Romy Ruales ang St. Therese Fighters, 91-85 aron moposte og 5-1 nga baraha ug temporaryo nagsolo sa liderato sa Category C sa Talisay Basketball Association (TBA) 2012 summer basketball tournament didto sa Talisay Sports Complex.

Naglabaw ang St. Therese sa unang duha ka kuwarter sa giya nilang Sonny Bustos ug Leo Masamot, apan mipakita sa ilang katakus ang Jim's Coffee, kinsa nagmangtas sa third period pinaagi sa paglusad og 31-14 aron mao na ang molabaw og 12 puntos.

Misuway sa pag-rally ang St. Therese sa fourth period, apan pakyas sila sa ilang tinguha pag-ilog sa labaw kay nahutdan sila’g oras.

Sa laing duwa, gipakuratan sa CJ Optical ni Randy Gavas ang Park N’ Go Bakeshop ni Romy 'El Presidente” Rama, 68-64 alang sa ilang ikaupat nga daog sa lima ka duwa, gilubong sa Sejisworld ang Warriors sa iskor nga 86-65. Ang Sejisworld nagbitbit karon og 4-2 nga baraha, samtang ang Warriors adunay 1-4.

Sa Legends Category, nagpabiling walay pilde sud sa upat ka duwa ang Bulls ni Frank Seville dihang ilang gilubong ang Oklahoma nga adunay 3-1 rekord sa iskor nga 90-67.

Puntos Matag Usa

Unang duwa:

BULLS (90) - Cabrera 23, Manreal 16, Cabando 16, Villoria 8, Gavas 7, Cañizares 5, Cruza 4, Bastatas 4, Abarquez 3, Heredia 2, Damole 2

OKLAHOMA (67) - Ceprado 16, Villoria 13, Cabando 10, Restauro 7, Cruse 7, Nadal 4, Gumban 4, Murillo 2, Bernil 2, Bacalso 2

Ikaduhang duwa:

JIM’S COFFEE (91) - Ruales 27, M. Llanda 14, Bisnar 10, Aquino 9, Torremocha 8, Belamide 7, Baclay 6, Filosopo 6, D. Llanda 4

ST. THERESE (85) - Bustos 29, Basamot 22, Reyes 11, Atillo 7, Oledan 6, Pacaña 5, Alcontin 3, Utos 2

Ikatulong duwa:

CJ OPTICAL (68) - Crisologo 12, Enjambre 11, Calub 7, Gavas 6, Echavez 6, Quiñones 6, Laroa 6, Capala 6, Reyes 4, Mabuyo 4

PARK N’ GO (64) - F. Yosores 20, Lisondra 16, Camacho 10, R. Rama 5, Mosqueda 5, S. Yosores 4, Mancao 2, Nacario 2

Ikaupat nga duwa:

SEJISWORLD (86) - Cañada 22, Pasumala 13, Orevilla 10, Neñel 10, Abay 9, Cabañes 8, Hervas 6, Bas 4, Sejismundo 4

WARRIORS (65) - Embornas 19, Malaga 16, Maselllones 10, Orbeta 8, Romares 6, Belleza 6 (BANATNEWS)