Khan gipakuratan ni Peterson

Usa ka dakung upset ang gihimo sa amerikanong si Lamont Peterson dihang iyang gipakuratan ang Briton nga si Amir Khan aron masakmit ang WBA ug IBF lightweight title.

Si Peterson milupig sa puntos ni Khan alang sa usa ka 12-round majority decision kagahapon didto sa Washington DC . (LPM)

Delos Santos reyna sa Milo Marathon

Ang No.1 female runner sa Sugbo nga si Mary Grace Delos Santos maoy migawas nga kampiyon sa 35th National Milo Marathon kagahapon didto sa SM Mall of Asia.

Si Delos Santos mitapos sa 42k full marathon suds a duha ka oras, 53 minutos ug 11 segundos. (LPM)

Machida gipatug ni Jones

Nawad-an sa panimuot si Brazilian Lyoto Machida human siya gituok ni Jon “Bones” Jones kagahapon sa main event sa UFC 140 didto sa Canada .

Si Jones mihimo og usa ka standing guillotine choke sa second ngadto ni Machida kinsa wala na makalihok og nahagsa sa canvass. (LPM)

Ex-PBA players sa ABL

Mga kanhi PBA players ang mokompleto sa line-up sa Philippine Patriots sa ilang kampaniya sa 3rd Asean Basketball League (ABL) nga buksan karong Enero.

Kini naglakip nila ni Warren Ybañez, Rob Wainwright, Reed Juntilla, Eddie Laure ug Jonathan Fernandez. (LPM)