CEBU, Philippines - Ang mga pambato sa Cebu nga sila si Rafael John Dacaldacal ug Justine Reign Garrido mikabkab og ubay-ubay'ng bulawan nga nakapahimo kanila isip Most Outstanding Swimmers sa 1st Regional Novice Swimming Meet kagahapon didto sa Tagbilaran City.
Ang 12-anyos nga si Dacaldacal sa Mandaue City mihakot og unom ka golds pinaagi sa 10m individual medley, 50m butterfly, backstroke, breaststroke ug sa 50m ug 100m freestyle sa 11-12 age bracket.
Sa iyang bahin, ang 10-anyos nga si Garrido, nikubkob og tulo ka golds, ug tulo sab ka silvers sa 9-10 years old category. (BANATSPORTS)