Rollway 4-2 na sa LLBA

CEBU, Philippines - Gikanlat sa Rollway Customs Brokerage ang gipangandoy nilang ikaupat nga daog dihang nakalingkawas kini sa kulbahinam nga duwa batok sa JJTS-Orya, 76-74 sa nagkainit nga aksiyon sa LLBA-Rollway Cup basketball tournament didto sa Villas Magallanes gym Lapu-Lapu City.

Sa maong kadaugan, ang Rollway team owner Rolly de la Pieza milayat gikan sa ikalima ngadto sa ikatulo nga dapit sa standing bitbit ang 4-2 nga baraha.

Si Centes Brañanola mihakot og 18 puntos, samtang si Dondon Sevilla mihipos og 14 puntos aron pangulohan ang Rollway. Si Alvin Bentazal miariya sab og double figures pinaagi sa iyang 11 puntos.

Sa kampo sa JJTS-Orya, tulo sab sa ilang players nga gipangulohan ni Cacay Verzosa ang miposte og double figures pinaagi sa iyang 12 puntos. Sila si Ompad ug Mario Bancale mikolekta og 11 ug 10 puntos matag usa alang sa JJTS-Orya nga nagtangag og 4-3 record.

Sa pasiunang duwa, ang Igot Trucking midemolis sa Lheo Auto Shop sa iskor nga 76-64 alang sa ilang 3-3 nga baraha.

Si Edgardo Lungay maoy migiya sa Igot Trucking nga mikambiyada og 22 puntos, gisundan nilang Ryan Ceniza ug Jonathan Tojeno nga miratsada og 13 puntos matag usa, samtang si Lito Magat mipasada og 12 puntos.

Ang pilderong Lheo Auto Shop gipangulohan sab ni Rene Cuadra, kinsa migaling og 18 puntos. Sila si Noli Pacquibot ug Albert Arong nagkumboya og 23 puntos.

PUNTOS MATAG USA

Unang duwa:

IGOT TRUCKING (76) - Lungay 22, Ceniza 13, Tojeno 13, Magat 12, Berdago 8, Ouano 7, De Jesus 4, Igot 2, R. Igot 2, Reyes 2

LHEO AUTO SHOP (64) - Cuadra 18, Paquibot 12, Arong 11, Lamoste 7, Augusto 5, Intud 4, Francisco 4, Villomo 3, Labrador 2, Almacin 2

Ikaduhang duwa:

ROLLWAY (76) - Centes 18, Sevilla 14, Bentazal 11, Alsado 6, Manilag 6, Daño 6, Appari 6, Palad 5, Rosal 3

JJTS-ORYA (74) - Versoza 12, Ompad 11, Bancale 10, Gutib 8, Cordero 7, Rukawa 6, Taghoy 4, Igot 4 (BANAT NEWS)