Del Castillo-Mancio showdown gitabla

CEBU, Philippines - Nahug ra sa usa ka "majority draw" ang kulbahinam nga panagsangka sa duha ka brawlers nga sila si Rollen del Castillo ug Jerson Mancio sa main event sa ALA Promotions ug Summit Natural Drinking Water Boxing Tour didto sa Brgy. Pahanocoy Gym sa Bacolod City.

Nagbanos-banos og patama sa ilang mga suntok ang duha ka boksidor gikan sa pagsugod, apan   sa tunga-tungang bahin sa nanghinapos nga round, usa ka dili maayong head clash ang nahitabo nga miresulta sa pagkagisi sa agtang sa duha ka boksidor nga maoy hinungdan gihunong ang away.

Sa supporting bout, si Rey Melligen mipaluhod sa round 3 ni Bon Bon Gino sa Butuan City. 

Lain pa midaog mao sila si Dondon Sultan sa Zamboanga, Zaldy Aroa sa Bantayan Island, Charlie Sabijon sa Negros Oriental, Melvin Gumban sa Bacolod ug Jocel Gestopa sa Consolacion.  – BANAT NEWS