3 Pinoy boxers sa PSA Forum
MANILA, Philippines - Magiging bisita ang mga Filipino boxers na lalaban sa tatlong World Boxing Council (WBC) international title fights para sa lingguhang PSA Forum ngayong umaga sa Shakey’s sa U.N. Avenue.
Dadalo sina dating amateur standout Warlito Parenas, Ryan Bito at Sylvester Lopez sa nasabing public sports program na isinasaere ng DZSR Sports Radio 918 at inihahandog ng Outlast Battery, PACGOR, Accel at Shakey’s.
Makakasama ng tatlo si promoter Bebot Elorde na magtatakda ng fight card sa Hulyo 31 sa Yñares Sports Arena sa Pasig.
Makakasama nila sa pang alas-10:30 ng umagang sports forum ang mga opisyales ng Inter-Scholastic Athletic Association sa pamumuno nina president Atty. Jose Yayen, ang athletic director ng La Consolacion College, at Melanie Florentino, athletic director ng Feati University.
- Latest
- Trending
