Sy moduwa sa Malaysia

CEBU, Philippines - Gipakita sa Sugbuanang Alexis Sy nga andam na siya moduwa sa internasyonal nga kompetisyon human midaog sa 39th Philippines International Open didto sa Midtown Bowl sa Robinson's Place sa Ermita, Manila.

Si Sy mipukan sa iyang katagilungsod nga si Kim Lao sa ilang gubat sa youth girls masters class. Si Sy gikatakdang morepresentar sa nasud sa Asian School Tenpin Bowling Championship karong Hulyo 5 didto sa 30-lane 8800 Gold AMF Synthetic Mega Lanes sa Endah Parade, Sri Petaling, Malaysia. (BANATNEWS)