CEBU, Philippines - Laing hugna sa usa sa labing dakung triathlon race dinhi sa Sugbu - ang Danao City Run gikatakda karong Hunyo 6 diha sa nahisgutang dakbayan.
Gipasiugdahan sa Danao Sports Commission ubos sa liderato ni Councilor Boying Rodriguez, ang lumba gibahin ngadto sa duha ka kategoriya --standard distance ug sprint distance.
Ang standard distance naglakip sa 1.5km swimming, 40km biking ug 10km run, samtang ang sprint distance naglatid sa 750m swim, 20km bike ug 5km run.
Gatosan ka mga triathletes ang gilaumang mosalmot sa maong lumba, lakip na niini ang mga rated RP athletes, kinsa padayon karong nangandam alang sa 70.3km Ironman Philippines 2010 karong Agosto 22 didto sa Camarines Sur.
Ang registration nagkantidad og P300 libre na ang race singlet. Mahimong magparehistro diha sa Philippine Sports Commission Office sa Cebu City Sports Center o didto sa Danao sa adlaw sa lumba.
Alang sa dugang mga pangutana, mahimong motawag sa Danao City Sports Commission sa numero 200-1212. – BANAT NEWS