CEBU, Philippines - Gimasaker sa Sugbo Customs Brokers ni coach Atty. Ben Bongon ang Scarborough, 100-83 aron padayong kuptan ang liderato bitbit ang 7-1 nga baraha sa Still Fighting Athletics Association (SFAA) 2010 First Conference basketball tournament diha sa CEC covered court sa dalan Dimas-alang, ning dakbayan.
Ginamit ang 30-15 run sa fourth period, dali kaayong midistansiya ang Sugbo Brokers gikan sa 70-68 sa third quarter aron palawman ang labaw.
Si small forward Arnold Fernandez maoy nangu sa Sugbo pinaagi sa iyang 18 puntos, samtang si Luther Dinela miamot og 17 puntos. Ang gilubong nga Scarborough gipangulohan ni Rommel Lamprea, kinsa miburak og 33 puntos, gisundan ni Rick Misa nga adunay 18 puntos.
Sa laing duwa, ang TNT-White team ni skipper Tony Piloton naka-eskapo batok sa SWAN-RTW, 55-53 aron pag-abante ngadto sa ikaduhang puwesto sa ilang 6-2 nga baraha.
Lain pang mikulit og daog mao ang Warriors human gipukan ang Dark Green sa iskor nga 62-58.
Puntos Matag Usa
Sugbo Brokers (100) - Fernandez 18, Dinela 17, K. Batad 14, Morre 12, Romariz 10, Kyamko 9, Cabañero 7, Tan 6, Bongon 4, B. Bongon 3
Scarborough (83) - R. Lamprea 33, Misa 18, Palermo 9, Abonitalla 9, Lumayag 4, Bascon 4, Ocampo 4, Lamprea 2, Juablar 2. – BANAT NEWS