CEBU, Philippines - Nadepensahan sa Talisay ang ilang korona human nila gipalagpot ang San Fernando, 93-88 sa kampiyonato sa 2009 Gullas Cup basketball tournament didto sa Talisay City Sports Complex.
Ang Talisay sa tandem nilang Roger Pogoy ug Arvie Cabañero, miratsada dayon pagsugod aron pagposte og 19 puntos nga bentaha sa halftime, 52-31.
Nakan-an ang makalumos nga labaw ug miabot na lang og upat ka puntos dihang ang San Fernando sa pagpangulo ni Jun Vincent Pasilan milusad og 31-19 run sa nahabiling tres minutos sa duwa sa iskor nga 87-83.
Apan si Pogoy daling mitubag ug mipasulod sa duha niya ka sunod-sunod nga triples sa nahabiling uno minuto sa final period nga nakapainat og balik sa labaw ug naghatag og kasiguroan sa kadaugan sa Talisay.
Si Pogoy maoy topscorer sa Talisay nga mikimada og 26 puntos, gisundan nila ni Arvie Cabañero ug Giovanni Tabay nga mitimang og 19 puntos matag usa, samtang si Junard Caparida mao sab ang nangulo sa San Fernando pinaagi sa iyang 23 puntos.
Sa laing duwa, si Rey Yray Bono mipabuto og 16 puntos alang sa Minglanilla nga mibuntog sa Naga, 74-66 aron sa pagpahiluna sa ikatulo nga dapit.
PUNTOS MATAG USA
Unang duwa
(For third)
MINGLANILLA (74) - Bono 16, Del Socorro 10, Pardillo 10, Macasling 10, Canonigo 9, Plarisan 8, Vasquez 8, Cabiles 3
NAGA (66) - Ceniza 19, Ravanes 13, Samson 10, Villarico 10, Barquin 7, Parame 5, Sanchez 2
Ikaduhang duwa:
(Championships)
TALISAY(93) - Pogoy 26, Cabañero 19, Tabay 19, Obeso 13, Seguerra 8, Basillote 2, C.Dejan 2,G.Dejan 2, Garces 2
SAN FERNANDO (88) - Caparida 23, Pasilan 21, Ramo 17, Sasuman 8, Lapera 6, Dela Torre , Barde 3, Delos Santos 2, Manlosa 2, Regis 2 (BANATNEWS)