TORN milaksi'g daog
CEBU, Philippines - Mipakita sa ilang katakus ang mga TORN cagers ni Nangka Brgy. Capt. Rey Cataluña aron pildihon ang D’Pop Edmaro, 69-61 sa Association of Barangay Council (ABC) division sa Consolacion Fiesta basketball tournament didto sa Consolacion Sports Complex.
Si Cataluña maoy miduslit sa nagbagang opensiba sa TORN pinaagi sa duha ka back-to-back fastbreak points sa nahabiling tres minutos sa duwa nga maoy nakatabang sa pagpadaog sa iyang koponan.
Si Cataluña maoy topscorer sa TORN sa iyang 22 puntos. Si Cataluña mao sab ang nag-unang kandidato sa MVP race, gisundan ni Dennis Balaba sa CPP ug Danglag Brgy. Capt. Edwin Alin sa D’Pop Edmaro.
Si Edmund Tibon miabuno og14 puntos alang sa TORN.
Ang pilderong D'Pop gipangulohan sab ni Alin sa iyang game-high 24 puntos, gisundan nila ni Pulpogan Brgy. Capt. Roy Linaboc ug Manolito Gemota nga nagkumboya og 24 puntos.
Ang TORN gilangkuban sa mga magduduwa gikan sa barangay Tugbungan ni Tony Tumongha, Poblacion Oriental ni Leking Caylan ug Nangka. samtang ang D’Pop Edmaro gilangkuban sa barangay Pulpogan, Poblacion Oriental ni Marilou Casul ug Danglag.
Sa SK category, gilatigo sa Poblacion Occidental ang Cansaga, 54-49.
Gibiyaan og kuwatro puntos ang Poblacion sa halftime, 16-12, apan milusad og rally ang Poblacion sa third period aron ilogon ang labaw gikan sa Cansaga, 39-34, padulong ngadto sa final period.
Ang duha ka bulan nga torneyo usa sa mga highlights sa umaabot nga kapistahan sa patron sa lungsod sa Consolacion San Narciso karong Oktubre 29.
Ang maong kalihukan hiniusang gipasiugdahan ni Consolacion ABC president Ma. Analee Gungob ug SK Federation chairperson Madel Hycinth Herrera.
PUNTOS MATAG USA
SK Division
Poblacion Occ. (54) -Reuyan 23, Paramel 11, Bascon 10, Reuyan 2, Hertamosa 2
Cansaga (49) -Bayno 20, Siacor 8, Dante 6, Maglasang 5, Go 4
ABC Division
TORN (69) - Cataluña 22, Tibon 14, Boyles 10, Congson 9, Napuli 8, Tumongha 4, Caylan 2
D’Pop Edmaro (61) - Alin 24, Linaboc 14, Gemota 10, Abinales 7, Villamor 6 (BANATNEWS)
- Latest
- Trending
